काठमाडौं । जबरजस्ती करणी मुद्दाका फरार अभियुक्त अर्जुन आचार्य भन्ने चुडामणी आचार्य पक्राउ परेका छन् ।

सुनसरी प्रकाशपुर गा.वि.स.वडा नं–१ घर भई हाल बराह न.पा.वडा नं. १० बस्ने ३६ वर्षीय आचार्यलाई ईनरुवा सुनसरीबाट पक्राउ गरिएको हो ।

आचार्यले २०५७ सालमा पिडितलाई बिबाह गर्ने भनि ललाई फकाई ईच्छा विपरित जबरजस्ती करणी गरेका थिए ।

करणी कसुरमा उच्च अदालत पाटनले २०७७ सालमा सात वर्ष कैद फैसला सुनाएपछि फरार रहेका आचार्यलाई आज पक्राउ गरि जिल्ला अदालत सुनसरीमा पठाईएको प्रहरी प्रधान कार्यालय केन्द्रीय अनुसन्धान ब्यूरोले (सिआईबी)ले जनाएको छ ।