काठमाडौं । माओवादी केन्द्र परित्याग गरेका प्रदेश सभा सदस्य ठम्मरबहादुर विष्ट एमालेमा प्रवेश गरेका छन् ।

आइतवार वीरेन्द्रनगरमा एमाले प्रदेश कमिटीले आयोजना गरेको वृहत् कार्यकता भेलामा विष्ट एमाले प्रवेश गरेका हुन् ।

उनलाई एमालेका वरिष्ठ उपाध्यक्ष ईश्वर पोखरेल, स्थायी कमिटी सदस्य यामलाल कँडेल लगायतले स्वागत गरेका थिए । विष्टसहित माओवादी केन्द्र र अन्य पार्टीबाट केही व्यक्ति एमाले प्रवेश गरेका छन् ।

विष्टले माओवादी केन्द्र आफ्ना एजेन्डाबाट विचलित भएकाले आफू एमाले प्रवेश गरेको बताए ।

विष्टले केही दिनअघि माओवादी केन्द्र परित्याग गरेको र सांसद पदबाट राजीनामा दिएको घोषणा गरेका थिए ।