काठमाडौं । नेपाल प्रहरीको केन्द्रीय अनुसन्धान ब्यूरो (सिआईबी) ले नायिका प्रियंका कार्कीमाथि अनुसन्धान गरेको छ ।

नेपाल राष्ट्र बैंकको नीति विपरित डिजिटल मुद्रा ‘क्रिप्टोकरेन्सी’को प्रचार गरेको आरोपमा सिआईबीले नायिका कार्कीलाई अनुसन्धानका लागि आज बयानका लागि बोलाएको हो ।

नायिका कार्कीले केही समयअघि सामाजिक सञ्जालमा भिडियो पोष्ट गरेर ‘क्रिप्टोकरेन्सी’मा मैले लगानी गरेको छु, तपाईंहरू पनि लगानी गर्नुस् ।’ भनेकी थिइन् ।

नेपाल राष्ट्रबैंकले क्रिप्टोकरेन्सी गैह्र कानुनी रहेको भन्दै त्यस्तो कारोबार गरेमा कानुनी कारबाही हुने चेतावनी दिएको छ ।

यद्यपी नायिका कार्कीले भने प्रहरी समक्ष आफू क्रिप्टोकरेन्सीमा संलग्न नरहेको बताएकी छन् । उनले भनेकी छन्–‘कसैले मेरो तस्बिर प्रयोग गरेर क्रिप्टोकरेन्सीको विज्ञापन गरेको रहेछ । यसबारे मलाई जानकारी छैन ।’