एजेन्सी । स्पेनिस ला लिगामा रियल म्याड्रिडले मलोर्कामाथि जित हात पारेको छ ।

गएराति भएको खेलमा मलोर्कालाई हराउदँदै म्याड्रिडले ३ ० ले जित हात पारेको हो ।

म्याड्रिडको जितमा कप्तान करिम बेन्जेमाले दुई तथा भिनिसियस जुनियरको एक गोल गरे । पहिलो हाफमा गोलरहित बराबरी खेलेको रियलले दोस्रो हाफमा सबै तीन गोल गरेको हो ।

यो जितसँगै रियलले शीर्षस्थानमा १० अंकको स्पष्ट अग्रता बनाएको छ । रियलको २८ खेलबाट ६६ अंक पुगेको छ ।