काठमाडौँ । प्रधानमन्त्री शेरबहादुर देउवाले स्थानीय तह लोकतन्त्रको पहिलो पाठशाला भएको बताएका छन् ।

नेपाल नगरपालिका सङ्घको २९औँ वार्षिकोत्सव समारोहलाई आज सम्बोधन गर्दै प्रधानमन्त्री देउवाले स्थानीय तह नागरिकको नजिकको सरकार भएकाले जनताको मन जित्ने गरी काम गर्नुपर्ने बताए ।

प्रधानमन्त्री देउवाले तह र सरकार भन्ने कुरा ठूलो नभएको भन्दै दलीय सहमतिले तह हटाएर सरकार बनाउन सकिने बताए ।

मुख्य कुरा सेवा प्रवाह भएकाले नगरपालिकाहरुले जनतालाई प्राथमिकतामा राखेर सेवा दिनुपर्ने उनको भनाई छ ।