एजेन्सी । फ्रेन्च लिग लिडर पेरिस सेन्ड जर्मेन (पीएसजी) निससँग पराजित भएको छ ।

गएराति भएको लिग वानको खेलमा दोस्रो स्थानको निससँग पीएसजी १-० गोल अन्तरले हारेको हो । घरेलु मैदानमा निसलाई जिताउन एण्डी डेलोर्टले निर्णायक गोल गरे ।

उनले खेल सकिन दुई मिनेट अघि गोल गरेका थिए । लिओनल मेसी, नेयमारसहित मैदान उत्रिएको पिएसजीले पाएका राम्रा मौका खेर फाल्दा हार व्यहोर्नु परेको हो ।

जारी लिगमा पीएसजीको यो तीन हार हो । पिएसपीले शीर्ष स्थानमा १३ अंकको अग्रता कायमै राखेको छ ।