काठमाडौं । राष्ट्रियसभा सदस्यमा निर्वाचित भएका १९ जना सांसदले आज शपथ ग्रहण गर्ने भएका छन् ।

बिहान ११ बजे संघीय संसद् सचिवालयमा १९ जना सांसदको शपथ ग्रहण कार्यक्रम तय गरिएको छ ।

शपथग्रहणसँगै नयाँ निर्वाचित भएर आएका सांसदहरूका लागि संसदीय प्रक्रिया र पद्धतिबारे जानकारी दिने कार्यक्रम राखिएको राखिएको संसद् सचिवालयले जनाएको छ ।

गएको माघ १२ गते भएको निर्वाचनबाट राष्ट्रिय सभाका १९ सांसद निर्वाचित भएका थिए । चार वर्षे कार्यकाल पूरा गरेर राष्ट्रिय सभाका २० सांसद शुक्रबार बिदा भएका छन् ।