काठमाडौं । ६ वर्ष अघि उच्च शिक्षाका लागि अमेरिका पुगेका नेपाली युवा दिवेश पोखरेल अमेरिकाको प्रख्यात गायन रियालिटी शो अमेरिकन आइडलको टप १० मा प्रवेश गरेका छन् ।

जोन डेनभरको चर्चित गीत ‘कन्ट्री रोड’ गाउँदै दिवेश टप १० मा प्रवेश गरेका हुन् ।

अडिसनदेखि नै निर्णायकहरुको तारिफ पाउँदै आएका दिवेशलाई उपाधिकै एक दावेदारका रुपमा हेर्न थालिएको छ ।

अमेरिकन आइडलमा उनले आफूलाई ‘अर्थर गन’ नामले चिनाएका छन् ।

टप १० मा छनोट भएपछि दिवेशले आफ्ना समर्थकहरुलाई धन्यवाद दिएका छन् । उनले फेसबुकमा स्टाटस लेख्दै संसारभरबाट आफूलाई ठूलो माया र हौसला प्राप्त भइरहेको उल्लेख गरेका छन् ।

सन् २०१४ मा उच्च शिक्षा अध्ययनका लागि अमेरिका गएका दिवेश यतिबेला संगीतमा व्यस्त छन् ।

https://www.youtube.com/watch?time_continue=3&v=9Gz83cHPqgE&feature=emb_logo