सुनसरी । धरानस्थित एक होटलको कोठाभित्र एक महिलाको शव फेला परेको छ ।

इलाका प्रहरी कार्यालय धरान स्रोतका अनुसार धरान उपमहानगरपालिका-१८ बुद्धचोकस्थित न्यू कान्तिपुर होटल एण्ड गेष्ट हाउसको कोठामा अन्दाजी ३०-३५ वर्षीय महिलाको शव फेला परेको हो ।

प्रहरीका अनुसार महिला दुई दिनयता होटलमा बसेकी थिइन् ।  महिलासँगै होटलमा बसेका पुरुष भने फरार छन् ।

घटनाबारे अनुसन्धान तीब्र पारिएको प्रहरी स्रोतले जनाएको छ।