दार्चुला । कानुन न्याय तथा संसदीय मामिलामन्त्री दिलेन्द्र प्रसाद बडूको घरमा नेत्रविक्रम चन्द विप्लव नेतृत्वकाे नेकपाका कार्यकर्ताहरूले कालो झण्डासहित ब्यानर राखेका छन् ।

एमसीसीको विरोधमा गृहजिल्ला दार्चुला सदरमुकामस्थित महाकाली नगरपालिका-५ नमस्कारमा रहेको मन्त्री बडूको घरमा उनीहरुले बिहीबार कालो झण्डा र ब्यानर टाँगेका हुन् ।

बडूकाे घरमा टाँगिएकाे ब्यानरमा दलाल मन्त्री मुर्दावाद, एमसीसी खारेज गर लगायतका नारा लेखिएको छ ।

विप्लवका कार्यकर्ताहरूले बिहीबार दार्चुला सदरमुकाम खलंगामा पनि एमसिसिको विरोधमा प्रर्दशन गरेका छन् ।