काठमाडौं । नेपाली कांग्रेसको अधिवेशन हुन बाँकी १६ वटा जिल्लामध्ये १० वटा जिल्लाको अधिवेशन फेरि रोकिएको छ । ती जिल्लामा फागुन १५ गते अधिवेशन गर्ने कार्यतालिका थियो ।

अब ती अधिवेशन फागुन २० गते हुने कांग्रेसले जनाएको छ । मुलुकमा विकसित राजनीतिक घटनाक्रम, संसदमा निर्णयार्थ प्रस्तुत र विचाराधीन राष्ट्रिय महत्वको विषय भएकाले अधिवेशन स्थगित गर्नुपरेको काँग्रेसले जनाएको छ ।

निर्वाचन समितिका अनुसार सप्तरी, सिरहा, धनुषा, सर्लाही, रौतहट, बारा, चितवन, नवलपुर, बाँके र अछामको अधिवेशन स्थगित भएको हो ।

यस्तै महोत्तरी, रौतहट, पर्सा, सिन्धुली, सिन्धुपाल्चोक र कैलालीको अधिवेशन भने तोकिएको मिति फागुन १५ गते नै हुने समितिले जनाएको छ ।