एजेन्सी । युइएफए युरोपा लिगमा बार्सिलोना र नेपोलीले बराबरी खेलेका छन् । गएराति भएको खेलमा बार्सिलोनाले इटालियन क्लब नेपोलीसँग १–१ गोलको बराबरी खेलेको हो ।

बिहीबार भएको अन्तिम ३२ अन्तर्गतको पहिलो लेगको खेलको २९ औं मिनेटमा नै नेपोलीले अग्रता लिएको भए पनि अन्तिम समयसम्म यसलाई बचाउन भने सकेन ।

खेलको ५९ औं मिनेटमा बार्सिलोनाका लागि फेरान टोरेसले पेनाल्टीमार्फत गोल गर्दै खेल बराबरीमा ल्याएका थिए ।

च्याम्पियन्स लिगको सम्भावना गुमाइसकेको बार्सिलोनाले आफ्नो युरोपा लिगको सपना भने कायम राखेको छ । आगामी बिहीबार यी दुई टोलीको बीचमा पुनः प्रतिस्पर्धा हुनेछ ।