एजेन्सी । युइएफए च्याम्पियन्स लिगअन्तर्गत अन्तिम-१६ को पहिलो लेगमा जर्मन क्लब बायर्न म्युनिखले अस्ट्रियाको रेडबुल साल्जबर्गसँग बराबरी खेलेको छ ।

आज बिहान साल्जबर्गको घरेलु मैदान रेडबुल एरिनामा भएको खेलमा दुवै टोलीले १-१ को बराबरी खेलेका हुन् ।

सुरुआती अग्रता जोगाउन नसक्दा घरेलु टोली अंक बाँड्न बाध्य भएको हो । खेलको २१ औं मिनेटमा चुकवुबुइके अदामुले गोल गर्दै साल्जबर्गलाई अग्रता दिलाएका थिए ।

यस्तै ९० औं मिनेटमा किंग्सले कोम्यानले बराबरी गोल फर्काउँदै बायर्नलाई हारबाट जोगाएका हुन् ।