काठमाडौं । प्रतिबन्धित पदार्थ युरेनियमको कारोबार गरेको आशंकामा बौद्धस्थित हायत रेजेन्सी होटलबाट ६ जना पक्राउ परेका छन्।

पक्राउ पर्नेहरुमा सिरहा लक्ष्मिपुर पतरी गाउँपालिकाका गोपिलाल दास, सिरहाकै बरियापट्टीका जिवछनारायण यादव, महोत्तरीका सुरेन्द्रप्रसाद चौधरी, सिन्धुपाल्चोक हेलम्बुका रामकृष्ण लामिछाने, काठमाडौंका भुपेन्द्र खडका र ललितपुरका नवराज महत रहेका छन्।

महानगरीय प्रहरी परिसर काठमाडौँ स्रोतका अनुसार उनीहरुलाई प्रहरी वृत्त बौद्धले हायत रेजेन्सी होटलबाट पक्राउ गरेको हो । उनीहरुको साथबाट ३ किलो युरेनियम जस्तो पदार्थ बरामद गरिएको छ ।

यद्यपि, बरामद पदार्थ युरेनियम भए/नभएको पुष्टि भइसकेको छैन । बरामद पदार्थ परीक्षणका लागि पठाइएको प्रहरीले जनाएको छ।

यसअघि गत बर्षको शुक्रबार, २८ फाल्गुनमा महानगरीय प्रहरी कार्यालय रानीपोखरीले साढे २ किलो युरेनियमसहित चार जनालाई पक्राउ गरेको थियो।

अर्को पनि पढ्नैपर्ने

बौद्धबाट साढे २ किलो युरेनियमसहित ४ जना पक्राउ

अर्को पनि पढ्नैपर्ने

प्रहरीले पहिलो पटक बरामद गरेको यूरेनियमको मूल्य ५ अर्ब माथि