काठमाडौं । म्यानचेस्टर सिटीले इङ्लिस प्रिमियर लिगमा नर्विच सिटीमाथि सहज जित निकालेको छ ।

गएराति भएको खेलमा म्यानचेस्टर सिटीले नर्विच सिटीलाई ४–० गोल अन्तरले पराजित गरेको हो ।

रहिम स्टार्लिङले ह्याट्रिक गरेको खेलमा म्यानचेस्टर सिटी विजयी भएको हो । जितसँगै सिटीले शीर्ष स्थानमा १२ अंकको अग्रता लिएको छ ।

सिटीले २५ खेलबाट ६३ अंक जोडेको छ । लिभरपुलले २३ खेलबाट ५१ अंक जोडेको छ । पराजित नर्विच सिटी १७ अंकका साथ रेलिगेशन क्षेत्रमा छ ।