काठमाडौं । ओमानमा जारी चार देशिय टी-२० सिरिजको दोस्रो खेलमा नेपालले आज युएईसँग खेल्दैछ । उक्त खेल नेपाली समयअनुसार मध्याह्न पौने १२ बजे सुरु हुनेछ ।

ओमानको अल इमिरात मैदानमा हुने लागेको यो खेल नेपालको लागि शृंखलाको दोस्रो खेल हो। नेपालले शुक्रबार ओमानलाई ६ विकेटले हराएको थियो।

यूृएईको लागि भने यो शृंखलाको पहिलो खेल हो। शुक्रबार हुने तय भएको अयरल्याण्डसँगको यूएईको खेल भने स्थगित भएको थियो ।

नेपालसहित चारै टोली ग्लोबल क्वालिफायर खेल्दैछन् र त्यसैको तयारीका रुपमा सिरिज खेल्दैछन् । नेपालले अन्तिम खेल सोमबार आयरल्याण्डसँग खेल्नेछ।