झापा । झापाको मेचीनगर-१४ दुहागढीस्थित मनसा फुडद्वारा उत्पादित मगमग चाउचाउ उद्योगमा आगलागी भएको छ ।

चाउचाउ उद्योगमा बिहान साढे ४ बजेबाट आगलागी भइरहेको छ । आगो नियन्त्रणमा लिने प्रयास जारी रहेको प्रहरीले जनाएको छ ।

झापा र मोरङका ९ वटा दमकले आगो निभाउने प्रयास भइरहेको जिल्ला प्रहरी कार्यालय झापाले जनाएको छ । बाँकी दुईवटा दमकल आइरहेको बताइएको छ ।

आगो नभाउने प्रयास भइरहेकाले क्षतिको विवरण आउन बाँकी छ । आगलागीको कारण खुल्न नसकेको प्रहरीले जानकारी दिएको छ ।