काठमाडौँ । सरकारले थप ३२ जना सहसचिवको सरुवा गरेको छ ।

सङ्घीय मामिला तथा सामान्य प्रशासन मन्त्रालयका अनुसार शुक्रवार विभिन्न मन्त्रालय, विभाग र प्रदेश मन्त्रालय तथा अतिरिक्तमा रहेका सहसचिवहरूको सरुवा तथा पदस्थापन गरिएको हो ।

जसमा आन्तरिक राजश्व विभागका महानिर्देशक शोभाकान्त पौडेललाई सङ्घीय मामिला तथा सामान्य प्रशासन मन्त्रालयको अतिरिक्त समूहमा तानिएको छ ।पौडेल भ्रष्टाचारमा मुछिएपछि तानिएका हुन्।

ठुलै शक्ति तथा निकै जोडबलमा महानिर्देशक बनेका पौडेलले ठूला कम्पनीहरुसँग सेटिङ गरी कर छुट गराएर भ्रष्टाचारमा मुछिएका थिए । उनी ठूला करदाता कार्यालयको प्रमुख छँदा एनसेलको लाभ कर छलीमा पनि मुछिएका थिए।

अर्थमन्त्री जनार्दन शर्मानिकट ब्यापारीलाई दु:ख दिएका कारण पौडेल तानिएको स्रोत बताउँछ। पौडेलमाथि आन्तरिक राजश्व विभागको महानिर्देशक बने यता १० करोडभन्दा बढी अकुत सम्पति आर्जन गरेको आरोप लागेको छ।

हेर्नुहोस् सूची: