काठमाडौं । ४२ करोड रोयल्टी सरकारलाई नबुझाएपछि याक एण्ड यति होटलको इजाजत रद्द गरिएको छ ।

बुधबार मन्त्रीस्तरीय निर्णयबाट याक एण्ड यति होटल दरबारमार्गको ५ तारे स्तर वर्गीकरण र क्यासिनोको इजाजजपत्र रद्द गरिएको हो ।

पटकपटक ताकेता गर्दा पनि रोयल्टी नबुझाएपछि सरकारले याक एण्ड यति होटलको इजाजजपत्र रद्द गरिेको संस्कृति, पर्यटन तथा नागरिक उड्डययन मन्त्रालयले जनाएको छ । इजाजत रद्द भएसँगै उक्त होटलको बैंक खाता समेत रोक्का भएको छ ।

सरकारलाई तिर्नुपर्ने रोयल्टी, इजाजत नवीकरण दस्तुरलगायतको रकम होटलले दाखिला नगरेका कारण क्यासिनो सञ्चालन इजाजतपत्र र होटल स्तर वर्गीकरण प्रमाणपत्र रद्द गरेको संस्कृति, पर्यटन तथा नागरिक उड्डययन मन्त्रालयका निर्देशक मोहन बहादुर जि.सिले जानकारी दिए ।

साथै होटल तथा क्यासिनो सञ्चालन नगर्न भनिएको छ ।