काठमाडौं । कोरोना महामारीका कारण स्थगित भन्सार एजेन्टको लिखित परीक्षा आगामी फागुन २८ गते हुने भएको छ ।

भन्सार विभागले यसअघि गत माघ २९ गतेका लागि परीक्षा तोकिएको थियो । तर महामारीलाई ध्यानमा राख्दै गत माघ ७ गते परीक्षा स्थगित गरिएको थियो ।

तर अब आगामी फागुन २८ गते दिउँसो २ बजेलाई परीक्षाको नयाँ मिति तोकिएको छ ।

भन्सार एजेन्टको इजाजतपत्रका लागि विभागले २०७७ चैत १६ मा दरखास्त खुलाएको थियो ।