काठमाडौं । भोलि (बुधबार) बस्ने प्रतिनिधिसभा बैठकको कार्यसूची सार्वजनिक भएको छ ।

संघीय संसदका महासचिव डा. भरतराज गौतमले जारी गरेको कार्यसूचीमा भोलि बुधबार १ बजे बस्ने सम्भावित बैठकमा प्रधानमन्त्री शेरबहादुर देउवाले आर्थिक वर्ष २०७७/७८ को थारु आयोगको तेस्रो वार्षिक प्रतिवेदन पेश गर्ने छन् ।

यस्तै, सभामुख अग्नी सापकोटाले सभासद जगतबहादुर ताजपुरियाको निधनमा शोक प्रस्ताव प्रस्तुत पेश गर्ने छन् । नेपाली कांग्रेसबाट ०६४ सालको संविधान सभामा समानुपातिकतर्फबाट निर्वाचित सदस्य ताजपुरियाको ७८ वर्षको उमेरमा १७ पुसमा निधन भएको थियो ।

सम्भावित कार्यसूचीमा चर्चामा रहेको एमसीसी परेको छैन । एमसीसीलाई सम्भावित कार्यसूचीमा अनुमोदनका गर्ने वा नगर्ने भनेबारेको निर्णय कार्यब्यबस्था समितिको बैठकले गर्नेछ। कार्यब्यबस्था समितिको बैठक भोलि बिहान ११ बजे बस्दैछ ।