काठमाडौं । मधेसी आयोगले तराई–मधेसका किसानका मागहरुलाई सम्बोधन गर्न आग्रह गरेको छ ।

केही समययता आन्दोलनरत तराई–मधेसका किसानका मागहरुलाई सम्बोधन गर्न आयोगले सरकारलाई आग्रह गरेको हो ।

आइतबार एक विज्ञप्ति जारी गर्दै आयोगले बीउ मलसहितका सामग्री समयमै उपलब्ध गराउन माग गर्दै आन्दोलन गरिरहेका किसानको माग व्यवस्थापन गरिदिन तीनै तहका सरकारलाई अपिल गरेको छ ।

त्यस्तै बेचिएको उखुको मूल्य अविलम्ब उपलब्ध गराई किसानहरुको समस्या समाधन गर्नुपर्ने राज्यको प्रथम दायित्व रहेकोले सो समस्याको समाधान गरिदिन पनि आयोगले सरकारसँग आग्रह गरेको छ ।