काठमाडौँ । गृहमन्त्री बालकृष्ण खाँणले २० जिल्लाका प्रमुख जिल्ला अधिकारी(सीडीओ)हरु लाई फोन गरेका छन्।

मन्त्रालय स्रोतका अनुसार मन्त्री खाँणले शनिबार बिहान जिल्लाका सीडीओहरुलाई फोन गर्दै पछिल्लो समयको कोभिड-१९ संक्रमण, शित =लहरको अवस्थालगायत बारेमा जानकारी लिएका हुन्।

मन्त्री खाँणले सीडीओहरूलाई सितलहर र हिमालमा हिमपातबाट बचाउन न्यानो कपडा र दाउरा वितरणबारे पनि सोधेको स्रोतको भनाइ छ।

सरकारले गत मंसिर १ गते रकम खर्च गर्ने अख्तियारीसहित तराईमा शितलहरबाट बच्न र हिमालमा हिमपातबाट बच्न न्यानो कपडा वितरणका लागि निर्देशन पठाएको थियो । त्यो निर्देशनको कार्यान्वयनबारे मन्त्री खाँणले जानकारी लिएका हुन्।

मन्त्री खाँणले ओखलढुंगा, इलाम, गोरखा र रसुवालगायतका सीडीओहरुलाई फोन गरेका थिए।