काठमाडौं । मछिन्द्र क्लव पोखरामा जारी २०औं आहा रारा गोल्डकपको सेमिफाइनलमा प्रवेश गरेको छ ।

सोमबार पोखरा रंगशालामा भएको खेलमा डिफेन्डिङ च्याम्पियन संकटा क्लबलाई ४–१ गोल अन्तरले पराजित गर्दै मच्छिन्द्र सेमिफाइनल प्रवेश गरेको हो ।

भने मछिन्द्र फुटबल क्लबसँग ४-१ गोल अन्तरले पराजित हुँदै संकटा प्रतियोगिताबाट बाहिरिएको छ । मछिन्द्रलाई जित दिलाउन मेसुके ओलोमोउले दुई गोल गरे। यस्तै, उत्सव राई र अविशेक गुरुङले एक एक गोल गरे।

संकटाका गणेश हमालले एक गोल फर्काए। मेसुके म्यान अफ दी म्याच भएका थिए । अब मछिन्द्रले सेमिफाइनलमा एपीएफ क्लबसँग प्रतिस्पर्धा गर्नेछ ।