चितवन । भरतपुरको कोरोना विशेष अस्पतालमा कुनै चोरी नभएको कोरोना नियन्त्रण कार्यदल भरतपुरका सदस्यसचिव डा. भोजराज अधिकारीले दाबी गरेका छन । उनले कोरोना अस्पतालमा चोरी भएको नभई कार्यदलको स्टोरसम्म सामान ओसारपसार गरेको बताएका छन् ।

मंगलबार डा.अधिकारीले जारी गरेको विज्ञप्तिमा भनिएको छ, ‘अस्पतालसँग सम्बन्धित केही सञ्चार माध्यममा आएको र सिसीटिभी क्यामराको फुटेज भनी प्रसारित सामग्री सन्दर्भमा हाम्रो ध्यानाकर्षण भएको छ ।

कोरोना नियन्त्रण कार्यदलले खरिद गरेको र विभिन्न संघसंस्थाबाट सहयोगार्थ प्राप्त सबै सामग्रीको दाखिला प्रमाण, बिल र वितरणको विवरण साथै बाँकी बक्यौता सामग्रीको लगत सही सलामत नै राखिएको छ ।’