काठमाडौं । ललिता निवास जग्गा प्रकरणमा पक्राउ परेका रामकुमार सुवेदी र उनकी पत्नी माधवी सुबेदी छुटेका छन्।

प्रहरीको केन्द्रीय अनुसन्धान ब्यूरो (सीआईबी)का अनुसार सुवेदी दम्पतीलाई अनुसन्धानको क्रममा बोलाइएको बेला उपस्थित हुने सर्तमा मंगलबार छाडिएको हो ।

सीआईबीले गत पुष ७ गते स्वम्भुबाट ललिता निवासको सरकारी जग्गा व्यक्तिको नाममा नामसारी गर्दा सरकारी कागजात कीर्ते गरेको आरोपमा उनीहरुलाई पक्राउ गरेर अनुसन्धान गरेको थियो।

अर्को पनि पढ्नैपर्ने

ललिता निवास प्रकरणमा सीआईबीको अनुसन्धान फितलो, जोगिँदै यी नाइकेहरु !

अनुसन्धानको क्रममा तत्कालिन मालपोत कार्यालयमा लेखन्दासको काम गर्ने सुवेदीले मुख्य बिचौलिया शोभाकान्त ढकालसँगको मिलेमतोमा सरकारी कागजात कीर्ते गरेको खुलेको सीआईबीको दाबी छ।

यसअघि ललिता निवास जग्गा प्रकरणमा सीआईबीले ३ सय जनाभन्दा बढी व्यक्तिमाथि मुद्दा दायर गर्न सकिने रायसहितको प्रतिवेदन सरकारी वकिल कार्यालयमा बुझाएको थियो । तर सीआईबीको अनुसन्धान फितलो देखिएको भन्दै उक्त प्रतिवेदन सरकारी वकिल कार्यालयले सीआईबीलाई नै फर्काइदिएको छ ।

अर्को पनि पढ्नैपर्ने

सीआईबीले विशेष अदालतलाई पत्र लेख्दै भन्यो- मुख्य बिचौलिया सुवेदी दम्पतीलाई अदालत पेस गर्ने कि नगर्ने ?

अर्को पनि पढ्नैपर्ने

सीआईबीद्वारा ललिता निवास प्रकरणका बिचौलिया सुवेदी दम्पती पक्राउ