काठमाडौं । हिमालयन शेर्पालाई पराजित गर्दै थ्रीस्टार क्लब शहिद स्मारक ए डिभिजन लिगको पाँचौँ स्थानमा उक्लेको छ।त्रिपुरेश्वरस्थित दशरथ रंगशालामा आईतबार भएको खेलमा थ्रीस्टारले शेर्पालाई २–० गोल अन्तरले पराजित गर्दै अंक तालिकामा एक स्थान सुधार गरेको हो।

खेलको ५६ औँ मिनेटमा उपहार गोलमार्फत थ्रीस्टारले अग्रता बनाएको थियो। थ्रीस्टारका ऋतिक कुमार खड्काले दुई डिफेन्डरलाई बिट गर्दै मिलाएको पासलाई अंशुमाना क्रोमाहको समन्वयमा बनेको मुभमा खड्काको फितलो टच शेर्पाका डिफेन्डर अमृत श्रेष्ठलाई लाग्दै गोलमा परिणत भएको थियो।

पहिलो हाफ गोलरहित बराबरीमा सकिएको खेलमा दुवै दोस्रो हाफमा मात्रै गोल सम्भव भयो। ​इन्ज्युरी समयको छैटौँ मिनेटमा अंशुमाना क्रोमाहले गोल गर्दै अग्रता दोब्बर पारे।

एक स्थान सुधार गरेको थ्रीस्टारले जारी लिगमा लगातार तेस्रो जित दर्ता गरेको हो। ३ खेलमा जित, ४ मा बराबरी र २ खेलमा हार भोगेको थ्रीस्टार १३ अंकमा पाँचौ स्थानमा छ।

थ्रीस्टारसँग हार भोगेको शेर्पा एक स्थान तल झर्दै ११ अंकमा छैटौँ स्थानमा छ। ८ खेलमा शेर्पाले ३ खेलमा जित, ३ मा हार र २ खेलमा बराबरीको नतिजा निकालेको छ।