काठमाडौँ । स्वर्गीय विवेकशील साझाका नेता उज्ज्वल थापाको सम्झनामा ‘उज्ज्वल थापा फाउन्डेशन’ स्थापना गरिएको छ ।

गत जेठमा कोरोना भाइरस संक्रमणबाट निधन भएका थापाको जन्मदिनको अवसरमा आजबाट उक्त फाउन्डेशनको स्थापना गरिएको हो ।

स्व. थापाले गरेको योगदान र देखाएको बाटोमा लाग्न यस फाउन्डेशनको स्थापना गरिएको पार्टीका संयोजक मिलन पाण्डेको भनाइ छ।

पाण्डेले सामाजिक सञ्जालमा थापालाई जन्मदिनको शुभकामना व्यक्त गर्दै तपाई जन्मनुभयो र त हामी धेरै जनाले हामी किन जन्मियौँ भनेर हाम्रो ‘किन’ थाहा पाएको उल्लेख गरेका छन्।

Happy Birthday Ujwal Dai!

तपाई जन्मनुभयो र त हामी धेरै जनाले हामी किन जन्मियौँ भनेर हाम्रो ‘किन’ थाहा पायौँ।
तपाईँलाई धेरै धेरै धन्यवाद दाइ।

आजबाटै सुरु हुन लागेको Ujwal Thapa Foundation का निम्ति परिवार र शुभेच्छुकहरूलाई शुभकामना।

अब फेरी उज्वल दाइ कामबाटै जीवित रहनुहुनेछ। pic.twitter.com/bu2ayEVqFC

— Milan Pandey (@MilanPandey) January 7, 2022