काठमाडौं । जनता समाजवादी पार्टी (जसपा)का संघीय परिषद अध्यक्ष तथा पूर्वप्रधानमन्त्री डा. बाबुराम भट्टराईले पुष्पकमल दाहाल ‘प्रचण्ड’लाई नेकपा माओवादी केन्द्रको अध्यक्षमा पुनः निर्वाचित भएकोमा बधाई दिएका छन् ।

पूर्व माओवादी नेता समेत रहेका अध्यक्ष भट्टराईले सामाजिक सञ्जालमार्फत् प्रतिगमन र यथास्थितिवादविरुद्ध लड्न सक्ने बल पुगोस् भन्दै शुभकामना दिएका हुन्।

भट्टराईले ट्विटरमा लेखेका छन्, ‘नेकपा माओवादी केन्द्रको आठौँ महाधिवेशनद्वारा पार्टीको अध्यक्षमा पुनः निर्वाचित हुनुभएकोमा पुष्पकमल दाहाल प्रचण्डलाई हार्दिक बधाई तथा शुभकामना । प्रतिगमन र यथास्थितिवादविरुद्ध लड्ने अग्रगमनकारी शक्तिहरूको सहकार्य र ध्रुवीकरणमा बल पुगोस् थप शुभेच्छा ।’

नेकपा (माओवादी केन्द्र) को आठौं महाधिवेशनद्वारा पार्टीको अध्यक्षमा पुन: निर्वाचित हुनुभएकोमा पुष्पकमल दाहाल प्रचणडलाई हार्दिक वधाइ तथा शुभकामना! प्रतिगमन र यथास्थितिवादविरूद्ध लड्ने अग्रगमनकारी शक्तिहरूको सहकार्य र ध्रुवीकरणमा बल पुगोस् थप शुभेच्छा!

— Baburam Bhattarai (@brb1954) January 4, 2022