रौतहट । रौतहटमा जन्ती बोकेको भारतीय नम्बर प्लेटको जिप दुर्घटना हुँदा मृत्यु भएका  ६ जनाकै सनाखत भएको छ ।

जिल्ला प्रहरी कार्यालय रौतहटका अनुसार मंगलबार गौरबाट चन्द्रनिगाहपुरतर्फ जाँदै गरेको भारतीय कार गरुडामा दुर्घटना भएको हो ।

दुर्घटनामा ज्यान गुमाउनेमा रौतहटको गढिमाइ नगरपालिका–३ का १६ वर्षका शेख नैवसाद, २२ वर्षका शेख सैनुल्हा, ५५ वर्षका मोसाफिर अन्सारी र २५ वर्षका शेख छोटु, ४० वर्षीय शेष अबुलेस र १७ वर्षीय शेष अजिबुल्लाह रहेका छन्  ।

दुर्घटनामा घाइते भएका सोही स्थानका १५ वर्षीय शेष अमानत र १७ वर्षीय शेष करिमुल्लाहको गरुडाको ग्रान्डी अस्पतालमा उपचार भइरहेको छ।

यस्तै अर्का घाइते १६ वर्षीय शेष अल्फाजको वीरगञ्जस्थित नेशनल मेडिकल कलेजमा उपचार भइरहेको रौतहटका डिएसपी सुनिल मल्लले बताए।