जुम्ला । नेकपा एमाले जिल्ला पार्टी कार्यालय जुम्लामा एक जना मृत फेला परेका छन् ।

जिल्ला प्रहरी कार्यालय जुम्लाका अनुसार चन्दननाथ नगरपालिका–१ बस्ने ५६ वर्षीय सेतो कुलाल मृत भेटिएका हुन् ।

कुलालको शव एमालेको नयाँ बन्दै गरेको भवनमा मृत अवस्थामा फेला परेको प्रहरीले जानकारी दिएको छ ।

स्थानीयले खबर गरेपछि अनुसन्धान अधिकृतसहित सात जनाको टोली अनुसन्धानमा खटिएको प्रहरीको भनाई छ ।

घटनाबारे थप अनुसन्धान भइरहेको प्रहरीले जनाएको छ।