जनकपुरधाम । डा. सीके राउत नेतृत्वको जनमत पार्टीले आन्दोलन र अगामी निर्वाचनमा विजयी हासिलका लागि भन्दै चन्दा अभियान थालेको छ ।

जनमत पार्टीका महासचिव चन्दन सिंहले आर्थिक सहयोगका लागि अपिल जारी गरेका छन् । ‘आन्दोलन र निर्वाचनका लागि निःसन्देह रूपमा पैसाको जरूरी हुने भएकोले सहयोग गर्न समस्त जनतासँग हार्दिक अनुरोध गर्दछौं,’ जनमत पार्टीको अपिलमा पत्रमा भनिएको छ ।

जनमत पार्टी जनताको विभिन्न माग लिएर आन्दोलनरत रहेको र आउँदो निर्वाचनमा विजय हासिल गरी जनताराज स्थापना गर्ने तथा घर–घरमा रोजगारी दिनका लागि तयारी समेत थालेको भन्दै ‘आन्दोलन तथा निर्वाचन कोष’ खडा गर्न सहयोगको याचना गरिएको छ ।

जनमत पार्टीले कोषाध्यक्ष सुरेन्द्रनारायण यादवको नाममा मेगा बैंकमा रहेको खातासमेत सार्वजनिक गरेको छ ।