काठमाडौं । नेपाली कांग्रेसका सभापति एवं प्रधानमन्त्री शेरबहादुर देउवाले अहिले बनेको पाँच दलको गठबन्धनको सरकार कसैका विरुद्धमा नभएको स्पष्ट पारेका छन् ।

नेकपा माओवादी केन्द्रको आठौं महाधिवेशन उद्घाटन सत्रको सम्बोधनका क्रममा देउवाले संसद पूरा चलोस् भन्ने उद्देश्यले संविधान बनेको र त्यसैको कार्यान्वयनका लागि गठबन्धनको सरकार बनेको बताए ।

मनपरी संसद् विघटन गर्ने कदमविरुद्ध मात्रै आफूहरू एक भएको देउवाको भनाइ छ।

सम्बोधनमा प्रचण्डको अगुवाईमा शान्ति प्रक्रिया तथा संविधान निर्माण भएको देउवाले बताए । साथै, एमसीसी राष्ट्रघाती नभएको पुन प्रधानमन्त्री देउवाले दोर्याए।