काठमाडौँ । राष्ट्रिय जनमोर्चाकी उपाध्यक्ष दुर्गा पौडेलले प्रतिगमन अन्त्यका लागि विभिन्न दलबीचको एकता आवश्यक रहेको बताएकी छन् ।

आइतबारबाट सुरु भएको नेकपा माओवादी केन्द्रको आठौं महाधिवेशनको उद्घाटन सत्रलाई सम्बोधन गर्दै उपाध्यक्ष पौडेलले प्रतिगमन शक्तिको अन्त्यका लागि सबै दलहरूबीचको एकता आवश्यक रहेको बताइन् ।

‘अहिले पनि प्रतिगमन शक्ति सक्रिय छ’, पौडेलले भनिन्, ‘हामीहरूबीच मतभेद रहेको भए पनि प्रतिगमन अन्त्यका लागि दलहरूबीचको एकता आवश्यक छ ।’ राष्ट्रियताका लागि दलहरू एकजुट हुनुपर्ने पौडेलको भनाइ छ।

कार्यक्रमलाई छोटो सम्बोधन गरेकी उनले माओवादीले नै देशको राजनीतिमा मुख्य भूमिका खेल्ने बताइन्।