काठमाडौँ । पछिल्लो २४ घण्टामा थप २६० जनामा कोरोना भाइरस सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार ११ हजार ८९८ जनामा कोरोना परीक्षण गर्दा २६० मा सङ्क्रमण पुष्टि भएको जनाइएको छ ।

यस्तै, पछिल्लो समय थप ३४९ जना कोरोनाबाट निको भएर घर फर्किएका छन् ।

नेपालमा निको हुने दर ९८ प्रतिशत रहेको मन्त्रालयले जनाएको छ ।

यसैगरी, पछिल्लो २४ घण्टामा कोरोनाबाट थप १ जनाको मृत्यु भएको छ । योसँगै कोरोनाबाट मृत्यु हुनेको सङ्ख्या ११ हजार ५८२ पुगेको छ ।

हाल देशभर सक्रिय संक्रमित ५०४८ जना रहेका छन् ।