कपिलवस्तु । जनता समाजवादी पार्टी (जसपा)का नेता मंगल गुप्ता नेकपा एमालेमा प्रवेश गरेका छन् ।

मंगलबार कपिलवस्तुको बहादुरगञ्जमा आयोजित एमालेको एक कार्यक्रममा अध्यक्ष केपी शर्मा ओलीले सदस्यता दिएर गुप्तालाई पार्टीमा स्वागत गरेका हुन् ।

गुप्तासँगै अन्य नेता कार्यकर्ता पनि पार्टी प्रवेश गरेको कपिलवस्तु एमाले कार्यालयले जनाएको छ ।

कार्यक्रममा अध्यक्ष ओलीसहित  महासचिव शंकर पोखरेल, सचिव लेखराज भट्टलगायतका नेताहरुको उपस्थिति रहेको थियो।