काठमाडौँ । अफगानिस्तानको सेना, प्रहरी र सुरक्षा बलमा करिब ५ हजार महिलाले सेवा गरेका छन् । तालिबानबाट बदला लिने डरले तिनीहरूमध्ये धेरै अझै लुकेर बसेको बताइएको छ।

यसअघि सन् २००१मा अफगानिस्तानमा तालिबान शासनको पतन र नयाँ पश्चिमी समर्थित सरकारको स्थापनाले देशको नयाँ सशस्त्र बलहरूमा महिलाहरूलाई समावेश गर्ने मार्ग प्रशस्त गरेको थियो।

उनीहरूले ठूलो चुनौती र कलंकको सामना गरिरहेका बेला केही समयअघि तालिबानले अफगानिस्तानलाई पुन: कब्जा गर्दा, त्यहाँ तीनवटा सुरक्षा निकायहरूमा काम गर्ने लगभग ५ हजार महिला सैनिकहरु थिए । जो रक्षा मन्त्रालय र सेना, गृह मन्त्रालय र प्रहरी, र राष्ट्रिय सुरक्षा निर्देशिका वा अफगानिस्तानको गोप्य पुलिसमा कार्यरत थिए ।

भाइस न्युजका अनुसार उनीहरूले कमाण्डो र पाइलटदेखि घरेलु हिंसा रोकथामका इकाइहरूमा विभिन्न पदहरूमा काम गरे । तालिबान फर्केपछि यी मध्ये केही महिलाहरूले अफगानिस्तान छोडे, तर धेरैले गरेनन्, र सामान्य माफीको घोषणा गरे पनि उनीहरू आफ्नो र आफ्नो परिवारको सुरक्षाको लागि चिन्तित रहेका छन्।

भाइस न्युजमा प्रकाशित समाचारअनुसार तालिवानको पुन उदयसँगै कैयौं अफगान महिला सैनिकले आफ्नो जागिर छोडेका छन् भने कयौं महिला अझै गुपचुप रुपमा आफ्नो क्षेत्रमा खटिएका छन् ।

तालिबानबाट धम्की पाएपछि लुकेर बसेको उनको बीस वर्षको प्रारम्भमा अफगान राष्ट्रिय सेनाका दिग्गजसँग भाइस न्युजले कुरा गरेको छ।

कुराकानीमा अफगान नेसनल आर्मीकी एक कर्मचारीले भनेकी छिन्, ‘पूर्व सरकार हुँदा मैले अनुसन्धान, शत्रुविरुद्धको लडाई र अन्य सुरक्षा निकायहरुमा काम गरे । तर तालिवानले शत्ता हातमा लिएपछि सुरक्षा क्षेत्रमा काम गर्न हामी महिला सैनिकलाई ठूलो चुनौती छ । तालिवान सरकारमा हामीले हाम्रो पहिचान लुकाएर ड्युटिमा खटिनु परेको छ।’