काठमाडौं। सर्लाहीका दुई छुट्टाछुट्टै स्थानमा लागेको आगोमा जलेर एकै घरका दुई बालिकासहित तीन जनाको मृत्यु भएको छ ।

जिल्ला प्रहरी कार्यालय सर्लाहिका अनुसार विद्युत सर्ट भई आगलागी हुँदा कबिलासी नगरपालिका–७ सिरसिया बस्ने जोगी महरा चमारकी दुई छोरीको मृत्यु भएको हो ।

चमारको फुसको कच्ची घरमा आगलागी हुँदा उनका ८ वर्षीया छोरी लक्ष्मी कुमारी र ३ वर्षीया छोरी सोगन्धी कुमारीको मृत्यु भएको प्रहरीले जनाएको छ। जलेर घाइते भएका उनीहरुलाई जिल्ला अस्पताल मलंगवामा प्राथमिक उपचारपछि थप उपचारका लागि काठमाडौं पठाउने क्रममा बाटोमै मृत्यु भएको हो ।

आगलागीमा जलेकी उनकै पाँच वर्षीया छोरी सुधा कुमारी स्थानीय मेडिकलमा उपचार पश्चात डिस्चार्ज भई घर फर्केको प्रहरीले जनाएको छ ।

यस्तै, सर्लाहीकै मलंगवा नगरपालिका–६ खुटौना बस्ने ७० वर्षीय नसिर खाँको आगो ताप्ने क्रममा जलेर मृत्यु भएको छ । आगो ताप्ने क्रममा उनले लगाएको कपडामा आगो सल्किएको थियो ।