काठमाडौं । देशभर थप २६४ जना कोरोना संक्रमण पुष्टि भएको छ । पछिल्लो २४ घण्टामा ९ हजार ३९२ पीसीआर र ४ हजार ३१७ जनाको एन्टीजेन परीक्षणका क्रममा २६४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

त्यस्तै पछिल्लो २४ घन्टामा थप ३६२ संक्रमित कोरोनामुक्त भएका छन् भने थप २ जना संक्रमितको मृत्यु भएको छ।

कोरोना संक्रमणबाट मृत्यु हुनेको संख्या ११ हजार ५५९ पुगेको छ। देशभर ९६ जना क्वारेन्टाइनमा रहेका छन्। हालः ५ हजार ६८९ जना सक्रिय संक्रमित रहेका छन्।

मन्त्रालयका अनुसार २४ घण्टामा २ लाख ३६ हजार ४८२ जनाले खोप लगाएको मन्त्रालयले जनाएको छ । नेपाल कोरोना निको हुने दर ९७।९ रहेको मन्त्रालयको तथ्यांकमा उल्लेख छ ।