काठमाडौं । नेकपा एमालेका उपमहासचिव प्रदीप ज्ञवालीलाई कोरोना संक्रमण भएको छ। उनले ट्वीटरमार्फत् आफूलाई कोरोना संक्रमण भएको जानकारी दिएका छन्।

उनले कोरोनाको लक्षणसमेत भएको जानकारी दिंदै आफूसँग सम्पर्कमा आएको र कोरोनासम्बन्धी लक्षण देखिएको भए परीक्षण गराउन आग्रहसमेत गरेका छन् ।

उनले ट्वीटरमा भनेका छन्–‘केही लक्षणसहित कोरोनाबाट संक्रमित भएको छु। विगत चार÷पाँच दिनदेखि मसँग सम्पर्कमा रहेका व्यक्तिहरुलाई सावधानी अपनाउन आग्रह गर्न चाहन्छु ।’

महासचिव ज्ञवाली कोरोना संक्रमित भएपछि नेकपा एमाले अधिकांश नेताहरु ‘कन्ट्याक्ट ट्रेसिङ’मा परेका छन्। गत मंसिर २५÷२६ गते पार्टीको दोस्रो पूर्ण बैठक बसेको थियो। बैठकमा ज्ञवाली समेत सहभागि थिए । सोही बैठकमा सहभागी भएका एमाले अध्यक्ष केपी शर्मा ओलीलगायत नेताहरु ‘कन्ट्याक्ट ट्रेसिङ’मा परेका हुन्।

Tested COVID positive. Have mild symptoms. Kindly request to you all, who have been in close contact since 4-5 days, to be careful, to stay safe and to be tested, if have any symptoms.

— Pradeep Gyawali (@PradeepgyawaliK) December 14, 2021