एजेन्सी । जम्मु कश्मीरको श्रीनगरमा २ प्रहरी अधिकारी मारिएका छन्। भारतीय सञ्चारमाध्यमका अनुसार जेवानमा रहेको पुलिस क्याम्प नजिकै आतंकवादीहरूले सोमबार हमला गरेका हुन्।

उनीहरुले प्रहरीको गाडीमा गोली चलाउँदा दुई प्रहरी जवानको मृत्यु भएको छ भने १२ जना घाइते भएका छन्।

घाइते जवानहरूको सेनाको अस्पतालमा उपचार भइरहेको कश्मीर जोन प्रहरीले जनाएको छ। नगरको पान्थाचोक क्षेत्रमा भएको आक्रमणमा परी एक असई र एक सिलेक्शन ग्रेड हवल्दारको मृत्यु भएको प्रहरीले जनाएको छ।