पर्वत । जिल्ला प्रहरी कार्यालय पर्वतले १ थान भरुवा बन्दुकसहित एक युवकलाई पक्राउ गरेको छ।

पक्राउ पर्नेमा कुश्मा नगरपालिका-१२ ठुलीपोखरी बस्ने २७ वर्षीय हरि कुँवर रहेका छन् ।

कुँवरलाई १ थान भरुवा बन्दुकसहित शुक्रबार बिहान प्रहरीले पक्राउ गरेको हो ।

प्रहरीका अनुसार सोही ठाउँस्थित ऐकोरे जंगलमा कालिज मार्नको लागि अबैध रुपमा बन्दुक लिई गएको अवस्थामा कुँवर पक्राउ परेका हुन्।

यस सम्बन्धमा प्रहरीले थप अनुसन्धान गरिरहेको जनाएको छ ।