महोत्तरी । जिल्ला प्रहरी कार्यालय महोत्तरीले आफ्नै सासुको हत्या गरेको आरोपमा बुहारीलाई पक्राउ गरेको छ ।

पक्राउ पर्नेमा मटीहानी नगरपालिका-७ बस्ने ३५ वर्षीया तेत्री देवी खत्वे रहेकी छिन् ।

तेत्रीलाई ६० वर्षीया जगतारन देवीको हत्या गरेको अभियोगमा बिहीबार बिहान प्रहरीले पक्राउ गरेको हो ।

प्रहरीका अनुसार जगतारन र तेत्रीबीच घरायसी विवादको कारण झै-झगडा हुँदा तेत्रीले कुटपिट गर्दा जगतारनको मृत्यु भएको हो।

यस सम्बन्धमा प्रहरीले थप अनुसन्धान गरिरहेको जनाएको छ ।