काठमाडौँ । प्रधानमन्त्री एवं नेपाली कांग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’बीच भेटवार्ता भएको छ ।

स्रोतका अनुसार प्रधानमन्त्रीको सरकारी निवास बालुवाटारमा देउवा र प्रचण्डबीच बुधबार भेटवार्ता भएको हो ।

भेटमा आसन्न राष्ट्रिय सभा निर्वाचनसहित समसामयिक विषयमा छलफल भएको बताइएको छ।

साथै, सत्ता गठबन्धनको आगामी नीति र मङ्सिर २८ गतेको संसद बैठकबारे पनि छलफल भएको बालुवाटार स्रोतले जनाएको छ।