काठमाडौं । नेपाली कांग्रेस बागमती प्रदेश सभापतिका लागि भएको दोस्रो चरणको मतदानको मतगणना सुरु भएको छ। पहिलो चरणमा तीन उम्मेदवारमध्ये कसैले पनि बहुमत नल्याएपछि फेरि मतदान भएको हो।

दोस्रो चरणको आइतबार साढे १ बजेबाट सुरु भएको थियो। मतदान साँझ साढे पाँच बजे सम्पन्न भएपछि आवश्यक प्रक्रिया पुरा गरेर ७ बजेदेखि मतगणना सुरु गरिएको हो। निर्वाचन समितिका अनुसार बागमती प्रदेशमा २०२५ मत खसेको छ।

पहिला चरणमा सभापति शेरबहादुर देउवा पक्षका इन्द्र बानियाँ, वरिष्ठ नेता रामचन्द्र पौडेल पक्षका जगदीश्वर नरसिंह केसी र कृष्णप्रसाद सिटौला समूहबाट भीमसेन दास प्रधान सभापतिको प्रतिस्पर्धामा थिए।

पहिलो चरणमा तेस्रो भएका प्रधानले पहिलो भएका बानियाँलाई दोस्रो चरणमा साथ दिएका छन्। प्रधानको साथ पाएपछि बानियाँ बलियो भएका छन्।