कपिलवस्तु । नेपाली कांग्रेस कपिलवस्तु जिल्ला सभापतिमा अब्दुल कलाम खाँ विजयी भएका छन्। कलामले निकटतम प्रतिद्वन्द्वी राजेश आचार्यलाई १०९ मतान्तरले हराएका हुन्।

एक हजार ७६५ मत खसेकोमा कलामले ९२८ र राजेश आचार्यले ८१९ मत प्राप्त गरेका थिए। कलाम वरिष्ठ नेता रामचन्द्र पौडेल पक्षका हुन् भने आचार्य सभापति शेरबहादुर देउवा पक्षका हुन्।

यस्तै उपसभापतिमा रजतराज आचार्य र हुमकान्त खनाल, सचिवमा शक्तिसिंह ठकुरी र प्रेमबहादुर सिंह रायमाझी विजयी भएका छन्।