Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
मंगलवार, जेठ २६ गते २०८३
Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
मंगलवार , जेठ २६, २०८३
काठमाडौं । पशुपतिनाथ मन्दिर परिसरमा दर्शनार्थीको घाँटीमा लगाइएको सुनको सिक्री लुटपाट गरेको आरोपमा पाँचजना भारतीय नागरिक पक्राउ परेका छन् ।
उनीहरूलाई प्रहरी वृत्त गौशालाबाट खटिएको टोलीले चोरी गरिएको दुई थान सुनको सिक्रीसहित नियन्त्रणमा लिएको हो ।
जिल्ला प्रहरी परिसर काठमाडौंका प्रवक्ता एवं प्रहरी उपरीक्षक पवनकुमार भट्टराईका अनुसार पक्राउ पर्नेहरू भारत गोरखपुर नौसरका स्थायी बासिन्दा हुन् ।
उनका अनुसार आज बिहान करिब ११स्३० बजे पशुपतिनाथ मन्दिर परिसरभित्र दर्शन गर्न आएका भक्तजनहरूको घाँटीमा लगाएको सुनको सिक्री लक्षित गरी लुटपाट गरिएको थियो ।
दर्शनार्थीले लगाएको सुनको सिक्री लुटपाट गरेको अभियोगमा उनीहरूलाई पक्राउ गरिएको प्रवक्ता भट्टराईले बताए ।
पक्राउ पर्नेमा ३५ वर्षीया अन्जु चमार, २९ वर्षीया रुपसना चमार, ३० वर्षीया आरती चमार, ३५ वर्षीया रिङ्कु चमार र १८ वर्षीया नन्दनी चमार रहेका छन्।
पक्राउ परेकाहरूलाई काठमाडौं जिल्ला अदालतबाट सात दिनको म्याद थप अनुमति लिएर थप अनुसन्धान भइरहेको प्रहरीले जनाएको छ।
© 2026 All right reserved to onlinenepal.com
Design & Developed By
