Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , भाद्र १८, २०८२
काठमाडौं । हङकङमा गोर्खाज फाइनान्स लिमिटेडको भव्य शुभारम्भ गरिएको छ । उक्त शुभारम्भ कार्यक्रममा कम्पनीका निर्देशक आकाश बन्जाराले हङकङमा गोर्खाज फाइनान्सलाई नेपाली समाजका लागि एउटा बैंकको रुपमा स्थापित गर्ने र नेपालीहरुलाई एकीकृत गर्ने मुख्य उद्देश्य रहेको घोषणा गरे ।
नेपालबाट नबिल बैंकका प्रमुख कार्यकारी अधिकृत (सीईओ)मनोज ज्ञवाली र युवा उद्यमी हिक्मतजंग कार्कीलगायतका विशिष्ट अतिथिहरुको आतिथ्यतामा कार्यक्रम सम्पन्न भएको थियो ।
कार्यक्रमलाई स्वागत गर्दै अध्यक्ष डीके दाहालले सम्पूर्ण लगानीकर्ताहरूलाई यसलाई बैंक बनाउन एकजुट भई काम गर्न आह्वान गरे । उनले गोर्खाज फाइनान्सलाई बैंकको रुपमा परिणत गर्न सबैजना एकढिक्का भएर एउटै रेखामा उभिएर जोडिनुपर्नेमा जोड दिए ।
कार्यक्रममा संचालक आकाश बन्जाराले हङकङमा नेपालीहरुका लागि आफ्नै बैंक नभएर अभाव खट्किएको अवस्थालाई मध्यनजर गर्दै गोर्खाज फाइनान्सले नेपाली समाजलाई एकताबद्ध बनाएर एक नेपाली बैंकको सुरुवात गर्ने उद्देश्यका साथ अघि बढेको स्पष्ट पारे ।
उनले कम्पनीले रेमिट्यान्स लगायतका विभिन्न वित्तीय सेवाहरू प्रदान गर्दै भविष्यमा हङकङमा एउटा अग्रणी नेपाली बैंकको रुपमा स्थापित हुने लक्ष्य राखेको बताए।
सोही अवसरमा ६ महिनाभित्र नबिल बैंकको प्रतिनिधि कार्यालय हङकङमा स्थापना गरिने महत्वपूर्ण घोषणा पनि गरिएको थियो । जसले वित्तीय कारोबारलाई सहज बनाउने अपेक्षा गरिएको छ।
सागर थापाको नेतृत्वमा रहेको सागर म्यानेजमेन्ट एचकेले कार्यक्रमको सञ्चालनमा महत्वपूर्ण भूमिका खेलेको थियो भने प्राविधिक सहयोग सुरेश थापाले प्रदान गरेका थिए ।
कार्यक्रममा भारत, चीन, मकाउ र ताइवान लगायतका अन्तर्राष्ट्रिय पाहुनाहरुका साथै हङकङका व्यवसायी र सामाजिक अगुवाहरुको बाक्लो उपस्थिति रहेको थियो ।
कार्यक्रमका वक्ताहरुमा बैंक अफ अमेरिकाका प्रबन्ध निर्देशक तथा प्रमुख सूचना अधिकारी सुरज राई, फाइनेक्स हङकङ लिमिटेडका निर्देशक सोयना ढकाल र इन्टरनेशनल योङ डेमोक्रेटिक युनियनका उपाध्यक्ष हिक्मतजंग कार्की लगायत थिए ।
हङकङमा स्थापना भएको गोर्खाज फाइनान्सको नेतृत्व भने डीके दाहाल, आकाश बन्जारा, बिबश सुवेदी लगायत ४७ जना अन्य सेयरधनीहरुको टोलीले गरिरहेको कार्यक्रममा जानकारी गराइएको थियो ।
© 2026 All right reserved to onlinenepal.com
Design & Developed By
