काठमाडौं । हमासको कब्जामा रहेका विपिन जोशीकी आमा पद्मा र बहिनी पुष्पाले प्रधानमन्त्री केपी शर्मा ओलीसँग भेट गरेका छन् ।
उनीहरूले आज प्रधानमन्त्री ओलीसँग भेटवार्ता गरेका हुन् ।
नेपाली दूतावासको समन्वयमा इजरायल पुगेर विपिनको सकुशल रिहाइको पहल गर्न इजरायली राष्ट्रपति र संसद् अध्यक्ष अमिर ओहानालाई भेटेर नेपाल फर्किएका थिए ।
त्यसबारे उनीहरूले प्रधानमन्त्रीलाई जानकारी गराएका छन् ।
भेटका क्रममा प्रधानमन्त्री ओलीले विपिनको रिहाइका लागि सरकारले कुनै कसर बाँकी नराखेको बताएका छन् ।