मकवानपुर । मकवानपुरको काठमाडौं–हेटौँडाखण्डको त्रिभुवन राजपथअन्तर्गत भीमफेदी गाउँपालिका–९, लामीडाँडामा पहिरो खसेर अवरुद्ध भएको सडक सञ्चालनमा ल्याइएको छ ।
शुक्रबार राति ठूलो ढुंगा र रुखसहितको पहिरो खसेर सडक अवरुद्ध भएको थियो ।
शनिबार साँझ पहिरो पन्छाएर यातायात सञ्चालनमा ल्याइएको जिल्ला प्रहरी कार्यालय मकवानपुरले जनाएको छ ।
यस्तै, हेटौँडाबाट कुलेखानी, सिस्नेरी हुँदै काठमाडौं जाने मार्गको इन्द्रसरोवर गाउँपालिका–३, ज्यामिरेमा शनिबार बिहान ९ः३० बजे ढुंगासहित सुक्खा पहिरो खसेर सडक अवरुद्ध भएको छ ।